Ahmed Ya Walidi Ya Sanadi - يا وليدي يا سندي (ربيتك)

رَبَّيْتَك… وَاسْمِي عَطَيْتَكْ مِن دَمّاتِ عُرُوقِي سَقَيْتَكْ رَبَّيْتَك وَعَرَفْتَ رَبِّي عَالوَفَا… وَعَلَى الصَّفَا وَعَلَى كَلِمَاتِ أَبُوي وَجِدِّي رَبَّيْتَك… قْرِيتْ حِسَابْ الوَقْتْ جَانِي النَّهَارْ فِيهْ حِلْمِي حَقَّقْتْ خَاطِرْ كُلّ أَحْلَامِي بِيكْ عَارِفْ الدُّنْيَا شْتِزَهَّالِي حْفِيتْ حَمَلْتْ فِي رُوحِي مَا كْلِيتْ وْجِيعَة الدُّنْيَا طَرَايِحْ كْلِيتْ قَوَّانِي كَانْ كِي صَلَّيْتْ فَاللِّيلْ لِرَبِّي وَبْكِيتْ عَدِّيتْ وَعَدِّيتْ وَعَارِفْ شِيَجِي فَرْحِي بَعْدْ ما شقيت رَبَّيْتَك… وَاسْمِي عَطَيْتَكْ مِن دَمّاتِ عُرُوقِي سَقَيْتَكْ رَبَّيْتَك وَعَرَفْتَ رَبِّي عَالوَفَا… وَعَلَى الصَّفَا وَعَلَى كَلِمَاتِ أَبُوي وَجِدِّي عَارِفْهَا بَاشْ تْصِيبْ بَعْدْ مَا خَابَتْ وْيِوَلِّي فَرْحِي مَالِينِي شَرْقَتْ شَمْسِي بَعْدْ مَا ضَبَّابَتْ وْكَبْدِي يِكْبَرْ قُدَّامْ عِينِي خُوذْ مِنْ بُوكْ مَا تْعَادِيشْ لِي حَبُّوكْ مَا تْصَافِيشْ لِي غَدْرُوكْ وَاللِّي بِالوِدّْ صَانُوكْ كَافِيهُمْ مِنْ دَمْ قَلْبَكْ أَعْطِيهُمْ فَرِّحْهُمْ وَكُونْ سَنَدْ لِيهُمْ خُوذْ مِنْ بُوكْ وَخَلِّي عُمْرَكْ الكُلّ رَحْمَة عَلَى بُوكْ خَلِّيكْ حْدِيدْ قَاسِي مَا تْلِينْ وْكُونْ رَاجِلْ مَعَاكْ الزِّينْ حُطَّهَا فَالعِينْ مَا تْحَكِّي فِي وَلَايَا وْلَا تْغَرَّكْ ثَنَايَا فِيهَا قَعْدَاتْ وَصَبَايَا خَلِّيكْ عَالْمَرَايَا تْرَانِي فِيهَا دِيمَا لَا تْحَقِّرْ مِسْكِينْ وْلَا تْبَكِّي يَتِيمَة خَافْ رَبِّي فِي مَرْتَكْ بِنْتَكْ وَاكْ لْمِيمَة يَا وَلِيدِي… يَا سَنَدِي يَا فَرْحَة عُمْرِي وَسِنِينِي كِبِرْت قُدَّام عَيْنِي وَاليَوْم إِنْتَ تِحْمِينِي لَو جَارَ الزَّمَان عَلَيْنَا وَلَو ضَاقَت الدُّنْيَا فِينَا يِكْفِينِي نِلْقَى عَيْنَيْكْ وَأَقُول: مَا خَابَت تَرْبِيَتْنَا فِيكْ أَنَا مَعَاكْ… أَنَا مَا نْخَلِّيكْ هَازِزْ رَاسِي بِيكْ أَنَا بُوكْ… أَنَا خُوكْ… أَنَا لِيكْ فَرْحَانْ بِيكْ رَبَّيْتَك… وَاسْمِي عَطَيْتَكْ وَمِن قَلْبِي لِلدَّار بَنَيْتَكْ وَاليَوْم يَا وَلِيدِي كِبِرْتْ وَصِرْت إِنْتَ اللِّي بِيكَ افْتَخَرْتْ يَا وَلِيدِي… يَا سَنَدِي رَبَّيْتَك… وَاسْمِي عَطَيْتَكْ